Keçid linkləri

2016, 10 Dekabr, şənbə, Bakı vaxtı 11:16

Türkiyənin Suriya ilə sərhəd bölgəsində güclü partlayış törədilib (VİDEO)


ÖLƏNLƏRİN SAYI ARTIB

Türkiyənin baş nazirinin müavini Beşir Atalay deyib ki, yaralılar arasında olan 12 yaşlı qız da öləndən sonra partlayışda həlak olanların sayı 9-a çatıb. 69 yaralıdan 17-si hələ xəstəxanalarda reanimasiyadadır.

Türkiyə hakimiyyəti partlayışda Kürd Fəhlə Partiyasını (PKK) günahlandırır.

PKK-ya bağlı veb-saytda isə təşkilatın hücumda əli olmadığı bildirilib.

QAZİANTEP ƏYALƏTİNDƏ PARTLAYIŞ OLUB

Türkiyənin Suriya sərhədinə yaxın bölgəsində partlayış nəticəsində 8 nəfər ölüb, onlarla adam yaralanıb. Hadisə ötən gün Qaziantep əyalətində polis məntəqəsinin yaxınlığında baş verib. Dayanacaqda saxlanan avtomobil uzaqdan idarəetmə ilə partladılıb. Ölənlər arasında polislər də var.

Hələlik partlayışa görə məsuliyyəti heç kim götürməyib.

Bundan əvvəl avqustun 20-də iki türk əsgəri Hakkari əyalətində minaya düşərək ölüb. Bu əyalət İraqla İran sərhədinə yaxındır.

Türkiyə rəsmiləri hadisəyə görə Kürd Fəhlə Partiyasını –PKK’nı ittiham edib. PKK Türkiyənin cənub-şərqində xeyli fəaldır.

Günün bütün mövzuları

Şərhləri göstər

XS
SM
MD
LG