Azərbaycanlı hakimlər İspaniya millisinin oyununu idarə edəcək

Sentyabrın 7-də İspaniya və Səudiyyə Ərəbistanı futbol milliləri arasında keçiriləcək yoldaşlıq oyununu azərbaycanlı hakimlər idarə edəcək. Məlumatı Azərbaycan Futbol Federasiyası Assosiasiyası (AFFA) yayıb. AFFA bildirir ki, azərbaycanlı hakimlərlə bağlı bu təklifi İspaniya Futbol Federasiyası verib.

İspaniya - Səudiyyə Ərəbistanı yoldaşlıq oyununun baş hakimi FIFA referisi Anar Salmanov olacaq. Ona FIFA referi köməkçiləri Yaşar Abbasov və Mübariz Haşımov kömək edəcəklər.