Keçid linkləri

2016, 10 Dekabr, şənbə, Bakı vaxtı 03:26

Quduzluqdan ölənlərin statistikası açıqlandı


Bu il ərzində Azərbaycanda 8 nəfər quduzluq xəstəliyindən dünyasını dəyişib.

Bu barədə çərşənbə axşamı Trend-ə Azərbaycan Səhiyyə Nazirliyi Respublika Gigiyena və Epidemiologiya Mərkəzindən məlumat veriblər.

Mərkəzdən bildirilib ki, quduzluq xəstəliyindən sonuncu ölüm halları avqust ayı ərzində olub. Həmin ay ərzində 2 hadisə qeydə alınıb.

Yoluxma nəticəsində Tərtərdə 47 yaşlı kişi, Şəmkirdə 11 yaşlı uşaq dünyasını dəyişib. 47 yaşlı kişiyə iynə vurulsa da, o, 10 gündən sonra dünyasını dəyişib. Uşağı it dişlədikdən sonra isə valideynləri bununla əlaqədar heç bir tibb müəssisəsinə müraciət etməyiblər.

İl ərzində digər quduzluq halları Cəlilabad, Saatlı, Beyləqan, Sabirabad, Abşeron rayonunda qeydə alınıb. Bu il ərzində Bakıda quduzluğa yoluxma halı baş verməyib.

Ötən il ərzində Azərbaycanda 6 nəfərin quduzluğa yoluxma hadisəsi baş verib. Bu hadisələr Bakı, Şəki, Tərtər və Yevlaxda qeydə alınıb.

Günün bütün mövzuları

XS
SM
MD
LG