Keçid linkləri

2016, 08 Dekabr, Cümə axşamı, Bakı vaxtı 06:36

Bakıda günvurma hadisələrinin sayı artıb


Son iki gündə Bakıda günvurma hadisələrinin sayı artıb. Bu barədə APA-ya Bakı şəhər Təcili və Təxirəsalınmaz Tibbi Yardım Stansiyasının operativ və hospital işlərinin təşkili şöbəsinin böyük həkimi Zemfira Vahidova bildirib.

Onun sözlərinə görə, son iki gün ərzində paytaxtda 8 nəfər günvurma ilə bağlı təcili yardıma müraciət edib: «Günvurma ilə bağlı təcili yarıma müraciətlərdən beşi dünən qeydə alınıb. Müraciət edən 8 nəfərdən beş nəfər xəstəxanaya yerləşdirilib. Onlardan ikisi uşaqdır. Günvurmaya məruz qalanlar əsasən cavan insanlardır. Çünki yaşlı adamlar belə havalarda küçəyə daha az çıxırlar».

Z. Vahidova əhaliyə saat 14.00-dən 18.00-dək açıq havaya çıxmamağı məsləhət görüb. Həkimin sözlərinə görə, belə hava şəraitində papaq və gün çətirlərindən istifadə etmək, ağ rəngli geyimlərə üstünlük vermək lazımdır.

Günün bütün mövzuları

XS
SM
MD
LG