İsveçin Xarici İşlər naziri Carl Bildt avqustun 3-də özünün Twitter səhifəsində yazır ki, ölkəsinin Belorusdakı səfiri Minskdən çıxarılır. Nazir səfirin Belorusda “insan haqlarını həddən artıq çox müdafiə etdiyi” üçün qovulduğunu yazır.
Carl Bildt Minskin bu addımını “rejimin xarakterindən irəli gələn rəzalət” kimi qiymətləndirir.
İsveç də ölkəsinə yeni təyin olunan Belorus səfirini qəbul etməyib və ondan başqa daha iki Belorus diplomatını ölkədən qovur.