Türkan Urmulu. Siz ey bataqlıqlar taxtının qurbağa sifət hökümdarları!

-

Nə onun
gözlərindəki ulduzları görə bilərsiniz
qap qaranlıq gecəyə bulanmış baxışlarınızla ...
nə də
əllərindəki yaşam günəşinin sıcaqlığına
yaxınlaşmaq cəsarəti var
o soyuq qorxaqlığınızda ...

anlayıram sizi
sizi ey bataqlıqlar taxtının qurbağa sifət hökümdarları!
yerləşdirin bellərdən aşağı
haydi utanmayın
yerləşdirin tülkü kimi
gizli gizli kameralarınızı
bəlgələyin düşüncələrinizin odaq noqtasını
göstərin bütün dünyaya üzünüzün qarasını !!!

cumun
boğulun
boğulun
bir daha boğulun ...

oooooh yaşasın özgürlük
nəfəs almaq
yaşamaq
yaşatmaq
ışııııq
ışııııq
durmadan
usanmadan
ışıq saçmaq ...