Türkan Urmulu. Nə bir kağaz imzaladıq...

-

Nə bir kağaz imzaladıq birlikdə
nə bir ayə oxundu
o kutsal kitabın hükümlərindən
məhrəmiyətimizə dair
şahidlərin məhzərində

adım yazılmadı
ərkəklik kimliyinin namus səfhələrində
bilirəm

ağıllı qadınam mən
sezirəm
görürəm
mən sənin heç bir zaman
heç bir kəsin olmadım
olmayacağımı da
çox yaxşı bilirəm!

yanlız
sevgimi?
sevdamı?
Tutlduğum o çılğın şeyin adı?
Bilməyirəm ...
düştü gözlərindən canıma
dəp dəli bir doluluq!
deyirlər yanlış
sonu boşluq!
duymayıram ...

çünkü həyatımın tək gərçək sözcüyü
sən!
varsın suçlasınlar məni
dışlasınlar
daşlasınlar
razıyam
axı səndən vaz geçmənin yollarını mən
nə bilirəm
nə də bilmək istəyirəm ...