Keçid linkləri

2016, 08 Dekabr, Cümə axşamı, Bakı vaxtı 22:29

Nuranə Nur. O, belə deyir…


-
O, belə deyir…

Könlümə uzaqlara getmək düşür hərdən
Tuta bilməyəcəyimi bildiyim üçün
Söz vermirəm nə vaxt, hara...
Çıxıb getmək bu şəhərdən
Sakitcə, üzr istəyib bir nəfərdən
Getməliyəm.
Belə inanmalıyam həyatın
Su kimi bir qabda dura bilməyəcəyinə
Getməyimlə bunu sübut etməliyəm.
Bir gün getməliyəm deyə,
Dırnağından yaxaladığım ümüdlərim də
sürüşür əlimdən.
Bir gün getməliyəm,
Uzaqlaşmalıyam ondan.
Və hər dəfə onu xatırlayanda,
kiməsə baxıb “yox! bu o deyil!”deyib
unutmağa çalışmalıyam.
Və yurdunu tərk edib gedən köçəri quşlar kimi
mütləq geri dönməliyəm.
O,belə deyir...

Günün bütün mövzuları

XS
SM
MD
LG