Keçid linkləri

2017, 17 Yanvar, çərşənbə axşamı, Bakı vaxtı 13:25

Türkiyə Suriya ilə sərhədini bağladı


Suriya hökuməti iyulun 25-də Aleppo şəhərində üsyançı qüvvələr üzərində üstünlük əldə etdiklərinə dair məlumat yayıb.

Bu arada, Türkiyə rəsmiləri Suriya ilə sərhəd qapılarını zorakılıq hadisələrinə cavab olaraq bağladıqlarını elan ediblər.

Britaniyada mənzillənən Suriya İnsan Haqları monitorinq qrupu deyib ki, döyüşlər bütün gecəni və çərşənbə günü səhər davam edib.

Həmçinin aktivistlər deyiblər ki, Dəməşqin şimalında artilleriyadan atəş açmaqla yüzlərlə ailəni qaçmağa sövq ediblər.

Ankaradan verilən məlumata görə, Türkiyə Suriyayla bütün sərhədlərini, o cümlədən nəqliyyatın girişini bağlayır. Suriya üsyançıları son bir həftədə sərhədin Suriya tərəfində bir çox qapılara nəzarəti əlinə keçirib. Məlumata görə, Suriya qaçqınları qaçaqmalçılıq yolu ilə Türkiyəyə keçirlər.
XS
SM
MD
LG