Macarıstanda satirik şair Mirzə Ələkbər Sabirin 150 illik yubileyinə həsr edilmiş «Azərbaycan karikatura sənəti» adlı sərgi açılıb.
Müxtəlif rəssamların 60-a yaxın əsərinin nümayiş etdirildiyi sərgi Azərbaycan karikatura sənətinin 100 ildən artıq tarixi inkişaf yolu haqqında təsəvvür yaradır.
Sərginin Azərbaycan karikatura sənətinin keçdiyi inkişaf yolundan bəhs edən rəngli bukleti Azərbaycan, macar və ingilis dillərində çap olunaraq iştirakçılar arasında yayılıb.
Sərgi Azərbaycanın Macarıstandakı səfirliyi, Azərbaycan Rəssamlar İttifaqının karikaturaçı rəssamlar bölməsi və Budapeştdəki Uypeşt rəsm qalereyasının birgə təşkilatçılığı ilə Uypeşt qalereyasında keçirilir. Sərginin açılışında iştirak edən Azərbaycanın Macarıstandakı səfiri Vilayət Quliyev öz çıxışında milli karikatura sənətinin «Molla Nəsrəddin» jurnalı ilə başlayan ənənələrindən və keçdiyi inkişaf yolundan, müxtəlif tarixi mərhələlərdəki özünəməxsusluğundan ətraflı söz açıb.
Uypeşt qalereyasının rəhbəri, macar sənətşünası İştvan Gelleri isə Azərbaycan karikatura sənətinin kamilliyi, cəsarəti, aktuallığı, ictimai və mənəvi həyat faktlarına kəskin və operativ müdaxiləsi ilə onda və həmkarlarında xoş bir heyrət hissi yaratdığını etiraf edib.
Xəbəri AzadlıqRadiosuna Azərbaycanın Macarıstandakı səfirliyinin mətbuat xidməti verib.
Sərgi iki həftə fəaliyyət göstərəcək. Ekspozisiyanın Macarıstanın digər şəhərlərində də nümayişi nəzərdə tutulub.
Müxtəlif rəssamların 60-a yaxın əsərinin nümayiş etdirildiyi sərgi Azərbaycan karikatura sənətinin 100 ildən artıq tarixi inkişaf yolu haqqında təsəvvür yaradır.
Sərginin Azərbaycan karikatura sənətinin keçdiyi inkişaf yolundan bəhs edən rəngli bukleti Azərbaycan, macar və ingilis dillərində çap olunaraq iştirakçılar arasında yayılıb.
Sərgi Azərbaycanın Macarıstandakı səfirliyi, Azərbaycan Rəssamlar İttifaqının karikaturaçı rəssamlar bölməsi və Budapeştdəki Uypeşt rəsm qalereyasının birgə təşkilatçılığı ilə Uypeşt qalereyasında keçirilir. Sərginin açılışında iştirak edən Azərbaycanın Macarıstandakı səfiri Vilayət Quliyev öz çıxışında milli karikatura sənətinin «Molla Nəsrəddin» jurnalı ilə başlayan ənənələrindən və keçdiyi inkişaf yolundan, müxtəlif tarixi mərhələlərdəki özünəməxsusluğundan ətraflı söz açıb.
Uypeşt qalereyasının rəhbəri, macar sənətşünası İştvan Gelleri isə Azərbaycan karikatura sənətinin kamilliyi, cəsarəti, aktuallığı, ictimai və mənəvi həyat faktlarına kəskin və operativ müdaxiləsi ilə onda və həmkarlarında xoş bir heyrət hissi yaratdığını etiraf edib.
Xəbəri AzadlıqRadiosuna Azərbaycanın Macarıstandakı səfirliyinin mətbuat xidməti verib.
Sərgi iki həftə fəaliyyət göstərəcək. Ekspozisiyanın Macarıstanın digər şəhərlərində də nümayişi nəzərdə tutulub.
