Keçid linkləri

2016, 06 Dekabr, çərşənbə axşamı, Bakı vaxtı 14:33

Mohammad Morsi Misirin yeni prezidenti seçilib


Misirin yeni prezidenti Mohamed Morsy (ortada)

Misirin yeni prezidenti Mohamed Morsy (ortada)

Misirdə keçirilmiş prezident seçkisində “Müsəlman qardaşları” hərəkatının namizədi Mohammad Morsi qalib gəlib.

Bunu bazar günü ölkənin Mərkəzi Seçki Komissiyası bəyan edib.

Seçkinin ikinci mərhələsində Mohammad Morsi ilə keçmiş prezident Hosni Mubarakın dövründə sonuncu baş nazir olmuş Ahmed Shafik mübarizə aparırdılar.

Onların ikisi də seçkidən dərhal sonra qalib gəldiklərini bəyan etmişdilər.

Nəticələr hələ cümə axşamı elan edilməliydi.

Amma hər iki namizəd şikayət verdiyindən MSK nəticələrin elan edilməsini bu günədək təxirə salmışdı.

Mümkün qarşıdurmanın qarşısını almaq üçün şəhərin küçələrinə əlavə polis qüvvələri çıxarılıb.

Morsinin tərəfdarları Təhrir meydanında qələbəni qeyd edirlər.

Amma onlar eyni zamanda hazırda ölkəni idarə edən Ali Hərbi Şuranın bu yaxınlarda pozuntulara görə, parlamenti buraxmasına etiraz edirlər.

Parlamentdə yerlərin çoxunu “Müsəlman qardaşları” hərakatının üzvləri tuturdu.

Ali hərbi şura hakimiyyəti qalibə verəcəyini vəd edib.

Günün bütün mövzuları

XS
SM
MD
LG