«SORUŞANDA, DEYİRƏM BURA SÜRGÜNƏ GƏLMİŞƏM»
«Azadlıq» qəzetinin 19 iyun sayında «Soruşanda, deyirəm bura sürgünə gəlmişəm» sərlövhəli yazıda Bakıda bəstəkar Cavanşir Quliyev bildirib ki, Azərbaycanda insan haqlarının pozulmasını gizlətmək mümkün deyil.
«Hakimiyyət bunu bilir. Bunu gizlətməyə çalışmaq yanlış addım idi. Hadisələr də göstərir ki, bunu gizlətmək olmur».
ERMƏNİSTANA VƏ AZƏRBAYCANA HƏMSƏRHƏD OLAN GÜRCÜ KƏNDİNDƏ QARABAĞ SÖHBƏTİ
«Bizim yol» qəzetinin bu sayında isə Gürcüstanın Marneuli rayonunun Təkəli kəndində atəşkəs müzakirələrindən yazılıb. Həm Ermənistana, həm Azərbaycana sərhəd olan bu gürcü kəndində keçirilən müzakirələrə qatılan jurnalist Natiq Cavadlı öz müşahidələrini bölüşüb.
O, yazıb ki, müzakirələri ABŞ-ın Demokratiyaya Milli Dəstək Fondu təşkil edib. Müzakirələrdə Azərbaycan, Ermənistan və Gürcüstan ictimaiyyət nümayəndələri və rəsmi şəxsləri iştirak edib: «Qazaxdan olan Məhərrəm Göyüşov sərhəd bölgəsində yaşadığını xatırladıb dedi ki, atəşkəsin pozulması nə qədər insanın həyatına son qoyur». Müəllif yazır ki, müzakirələrdə erməni və azərbaycanlı vətəndaş cəmiyyətləri arasında təmasların gücləndirilməsinin əhəmiyyəti vurğulanıb.
HANSI ÇİMƏRLİKDƏ ÇİMMƏK QADAĞANDIR?
«Yeni Azərbaycan» qəzeti «Şıx» və «Sahil» çimərliklərinin sularında həyat üçün təhlükəli bağırsaq çöpü aşkarlandığını yazıb. Respublika Gigiyena və Epidemiologiya Mərkəzinin rəsmisi Ziyəddin Kazımov qəzetə bildirib ki, onlar monitorinqlər aparıblar: «Adıçəkilən çimərliklərin sularında çimmək qadağandır».
HEYDƏR ƏLİYEV FONDUNDAN PAKİSTANA KÖMƏK
«Azərbaycan» qəzeti Heydər Əliyev Fondunun Pakistanın Həmzə Xeyriyyə Fonduna təcili tibbi yardım avtomobili və iki min qanköçürmə paketi hədiyyə etdiyini yazıb: «Heydər Əliyev Fondu tərəfindən hədiyyə olunan təcili tibbi yardım avtomobili vasitəsilə əyalətin müxtəlif şəhərlərində, xüsusilə, Pakistanın Əfqanıstan ilə sərhəddə yerləşən ucqar məntəqələrində qan xəstəliklərindən əziyyət çəkən xəstələrə təhlükəsiz qan köçürülmə xidmətləri göstəriləcək, həmçinin, Hepatit C və B, HİV/AİDS viruslarının müəyyənləşdirilməsi üçün yerli əhali arasında pulsuz testlər təşkil olunacaqdır».
«Azadlıq» qəzetinin 19 iyun sayında «Soruşanda, deyirəm bura sürgünə gəlmişəm» sərlövhəli yazıda Bakıda bəstəkar Cavanşir Quliyev bildirib ki, Azərbaycanda insan haqlarının pozulmasını gizlətmək mümkün deyil.
«Hakimiyyət bunu bilir. Bunu gizlətməyə çalışmaq yanlış addım idi. Hadisələr də göstərir ki, bunu gizlətmək olmur».
ERMƏNİSTANA VƏ AZƏRBAYCANA HƏMSƏRHƏD OLAN GÜRCÜ KƏNDİNDƏ QARABAĞ SÖHBƏTİ
«Bizim yol» qəzetinin bu sayında isə Gürcüstanın Marneuli rayonunun Təkəli kəndində atəşkəs müzakirələrindən yazılıb. Həm Ermənistana, həm Azərbaycana sərhəd olan bu gürcü kəndində keçirilən müzakirələrə qatılan jurnalist Natiq Cavadlı öz müşahidələrini bölüşüb.
O, yazıb ki, müzakirələri ABŞ-ın Demokratiyaya Milli Dəstək Fondu təşkil edib. Müzakirələrdə Azərbaycan, Ermənistan və Gürcüstan ictimaiyyət nümayəndələri və rəsmi şəxsləri iştirak edib: «Qazaxdan olan Məhərrəm Göyüşov sərhəd bölgəsində yaşadığını xatırladıb dedi ki, atəşkəsin pozulması nə qədər insanın həyatına son qoyur». Müəllif yazır ki, müzakirələrdə erməni və azərbaycanlı vətəndaş cəmiyyətləri arasında təmasların gücləndirilməsinin əhəmiyyəti vurğulanıb.
HANSI ÇİMƏRLİKDƏ ÇİMMƏK QADAĞANDIR?
«Yeni Azərbaycan» qəzeti «Şıx» və «Sahil» çimərliklərinin sularında həyat üçün təhlükəli bağırsaq çöpü aşkarlandığını yazıb. Respublika Gigiyena və Epidemiologiya Mərkəzinin rəsmisi Ziyəddin Kazımov qəzetə bildirib ki, onlar monitorinqlər aparıblar: «Adıçəkilən çimərliklərin sularında çimmək qadağandır».
HEYDƏR ƏLİYEV FONDUNDAN PAKİSTANA KÖMƏK
«Azərbaycan» qəzeti Heydər Əliyev Fondunun Pakistanın Həmzə Xeyriyyə Fonduna təcili tibbi yardım avtomobili və iki min qanköçürmə paketi hədiyyə etdiyini yazıb: «Heydər Əliyev Fondu tərəfindən hədiyyə olunan təcili tibbi yardım avtomobili vasitəsilə əyalətin müxtəlif şəhərlərində, xüsusilə, Pakistanın Əfqanıstan ilə sərhəddə yerləşən ucqar məntəqələrində qan xəstəliklərindən əziyyət çəkən xəstələrə təhlükəsiz qan köçürülmə xidmətləri göstəriləcək, həmçinin, Hepatit C və B, HİV/AİDS viruslarının müəyyənləşdirilməsi üçün yerli əhali arasında pulsuz testlər təşkil olunacaqdır».
