Keçid linkləri

2016, 09 Dekabr, Cümə, Bakı vaxtı 09:50
Rusiyada işləyən azərbaycanlılar evə nə qədər pul göndərirlər?

Rusiyanın Mərkəzi Bankının rəqəmləri ilə Azərbaycanın Dövlət Statistika Komitəsinin rəqəmləri düz gəlmir.

Rusiyanın Mərkəzi Bankının hesabatına görə, azərbaycanlılar 2011-ci ildə evə 955 milyon dollar pul göndəriblər.

Azərbaycanın Dövlət Statistika Komitəsinin məlumatına görə, bu pul cəmi 700 milyon dollardır.

Göründüyü kimi rəsmi rəqəmlərdə fərq 36 faizdir.

Rusiya mətbuatı bu barədə nə deyir?

Rusiya mediasının hesablamalarına görə, azərbaycanlılar evə ildə 3 milyard dollar pul göndərir.
Azərbaycandakı İqtisadi və Sosial İnkişaf Mərkəzi (İSİM) öz araşdırmasını aparıb. Araşdırmaya görə, Rusiyada işləyən azərbaycanlıların evə göndərdiyi pul Rusiyanın Mərkəzi Bankının verdiyi məlumatdakından azə 2 dəfə çoxdur. Yəni təxminən 2 milyard dollardır.

Belə böyük fərqin səbəbi isə aydındır, çünki Mərkəzi Bank bank transferlərinin qeydiyyatını aparır, işçilər isə bankdan kənar da pul göndərirlər, məsələn, dost-tanışla.

İSİM hesab edir ki, azərbaycanlıların evə göndərdikıri pulun rəsmi və səliqəli statistikası aparılmalıdır.
Çünki bu pul vətəndə bir çox ailəni kasıblıqdan qurtarır. Ancaq eyni vaxtda bu, bir növ Azərbaycanın gizlənmiş iqtisadiyyatıdır.

Doğrudan da, bu pul əhəmiyyətli həcmdə olduğuna görə, məsələn, qiymətlərə təsir edir. Hökumət qiymətləri monitoring edirsə, kənardan gələn bu həcmdə pulun dəqiq statistikasını aparmaması sual doğurur.

Azərbaycanlıların evə göndərdiyi pulun miqdarı ilə bağlı onu da deyək ki, 1990-cı ilin ortalarında Rusiyanın Mərkəzi Bankının məlumatına görə, azərbaycanlıların bir ildə evə göndərdiyi pul 4,5 milyard dollara çatırdı.

İndiki həcm isə 2008-ci ilin iqtisadi böhranından əvvəlki həcmə hələ də çatmayıb.

Şərhləri göstər

XS
SM
MD
LG