Keçid linkləri

2016, 09 Dekabr, Cümə, Bakı vaxtı 06:05
«Univision» mahnı müsabiqəsi bir daha sübut etdi ki, Azərbaycanda sözün əsl mənasında çox istedadlı və bacarıqlı gənclər var».

Bu sözləri Gənclər və İdman naziri Azad Rəhimov Azərbaycanda ilk dəfə tələbələr arasında «Birinci ol» devizi altında keçirilən» «Univision» mahnı yarışmasının finalında səsləndirib.

APA-nın məlumatına görə, mayın 17-də müsabiqənin finalı keçirilib.

Yarışın mayın 15-də keçirilən yarımfinal mərhələsində 13 universitet finala vəsiqə qazanmışdı.

Hər bir iştirakçının ifasından öncə onun yarımfinalda çıxışını əks etdirən bir neçə saniyəlik çarx nümayiş olunub. Daha sonra öz universitetinə səs verməmək şərti ilə ilk gündən yarışmaya qatılmış 21 universitet digər universitetlərə səs verməyə başlayıb.

Səsvermə nəticəsində 197 xal toplayan Bakı Musiqi Akademiyası yarışın qalibi elan edilib.

Yarışın qalibinə «Univision» layihəsinin xüsusi kuboku və 3000 AZN təqdim edilib.

Bununla yanaşı, qalib şəxs (ifaçı və ya qrup) ATGTİ-nin fəaliyyətinə cəlb ediləcək və təşkilatın müəyyən layihələrinin siması olacaq.

Tədbirdə gəncləri təbrik edən Gənclər və İdman naziri Azad Rəhimov layihənin çox möhtəşəm olduğunu qeyd edib: «Bu həqiqətən çox möhtəşəm bir yarış oldu. «Univision» mahnı müsabiqəsi bir daha sübut etdi ki, Azərbaycanda sözün əsl mənasında çox istedadlı və bacarıqlı gənclər var. Əminəm ki, bu gün çıxış edən gənclərin hər biri gələcəkdə «Eurovsion» mahnı müsabiqəsində Azərbaycanı layiqincə təmsil edə bilər».

Növbəti illərdə yarışmanın MDB məkanına çıxarılması nəzərdə tutulub.

Bununla yanaşı, Avropa Universitetlərinin də «Univision» tələbə mahnı müsabiqəsinə qoşulması istiqamətində müəyyən işlər aparılır.

Günün bütün mövzuları

XS
SM
MD
LG