«Eurovision 2012» mahnı müsabiqəsinə gələn şəxslərin yerləşdirilməsi üçün gəmilər də ayrılıb.
Bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.
Onun sözlərinə görə, bu məqsədlə üç gəmi ayrılıb.
«Həmin gəmilər sahildə - Yaxta Klubunun yanında dayanıb. Gəmilərdə kifayət qədər sayda qonaq yerləşdirmək mümkün olar. Hər gəmidə ən azı 100 nəfər yerləşdirmək mümkündür», - Bağırov əlavə edib.
AzTA sədri «Eurovision 2012» müsabiqəsinə gələn rəsmi nümayəndə heyətlərinin mehmanxanalarda yerləşdirilməsi prosesinin normal getdiyini deyib. O, bildirib ki, indiyədək mehmanxanalarda 5000-ə yaxın qonaq yerləşdirilib. Qonaqların yerləşdirilməsi üçün kifayət qədər əlavə yerlər də qalıb.
«Rəsmi nümayəndələrin demək olar ki, böyük hissəsi yerləşib. Hər şey normal qaydada, heç bir problem olmadan həyata keçirilir», - Bağırov əlavə edib.
O qeyd edib ki, mayın 13-dən etibarən rəsmi nümayəndələr üçün turlar da təşkil olunur. Bu gün bəzi rəsmi nümayəndələr Bakı-Şamaxı-Qəbələ marşrutu üzrə yola çıxıblar.
Qonaqların hamısının onlara göstərilən diqqət və xidmətdən razı olduğunu deyən AzTA sədrinin sözlərinə görə, qonaqlar üçün həm də gündə 2 dəfə Qobustana, gündə 2 dəfə Abşerona, gündə 1 dəfə isə Bakı-Şamaxı-Qəbələyə turlar təşkil olunur.
Bağırov bələdçilərlə bağlı problemin olmadığını qeyd edib. O bildirib ki, «Eurovision»a gəlmiş qonaqlara xidmət göstərmək üçün kifayət qədər bələdçi var.
«Mədəniyyət və Turizm Nazirliyinin treninqlərindən keçmiş və sertifikat almış bələdçilər var. Yalnız AzTA tərəfindən bu tədbirlərə 20-30 bələdçi cəlb olunub», - o, qeyd edib.
Bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.
Onun sözlərinə görə, bu məqsədlə üç gəmi ayrılıb.
«Həmin gəmilər sahildə - Yaxta Klubunun yanında dayanıb. Gəmilərdə kifayət qədər sayda qonaq yerləşdirmək mümkün olar. Hər gəmidə ən azı 100 nəfər yerləşdirmək mümkündür», - Bağırov əlavə edib.
AzTA sədri «Eurovision 2012» müsabiqəsinə gələn rəsmi nümayəndə heyətlərinin mehmanxanalarda yerləşdirilməsi prosesinin normal getdiyini deyib. O, bildirib ki, indiyədək mehmanxanalarda 5000-ə yaxın qonaq yerləşdirilib. Qonaqların yerləşdirilməsi üçün kifayət qədər əlavə yerlər də qalıb.
«Rəsmi nümayəndələrin demək olar ki, böyük hissəsi yerləşib. Hər şey normal qaydada, heç bir problem olmadan həyata keçirilir», - Bağırov əlavə edib.
O qeyd edib ki, mayın 13-dən etibarən rəsmi nümayəndələr üçün turlar da təşkil olunur. Bu gün bəzi rəsmi nümayəndələr Bakı-Şamaxı-Qəbələ marşrutu üzrə yola çıxıblar.
Qonaqların hamısının onlara göstərilən diqqət və xidmətdən razı olduğunu deyən AzTA sədrinin sözlərinə görə, qonaqlar üçün həm də gündə 2 dəfə Qobustana, gündə 2 dəfə Abşerona, gündə 1 dəfə isə Bakı-Şamaxı-Qəbələyə turlar təşkil olunur.
Bağırov bələdçilərlə bağlı problemin olmadığını qeyd edib. O bildirib ki, «Eurovision»a gəlmiş qonaqlara xidmət göstərmək üçün kifayət qədər bələdçi var.
«Mədəniyyət və Turizm Nazirliyinin treninqlərindən keçmiş və sertifikat almış bələdçilər var. Yalnız AzTA tərəfindən bu tədbirlərə 20-30 bələdçi cəlb olunub», - o, qeyd edib.