Keçid linkləri

2016, 08 Dekabr, Cümə axşamı, Bakı vaxtı 00:26
Şamaxıda sel sularında batmaq təhlükəsi ilə üzləşmiş 22 nəfər xilas edilib.

Bu barədə Fövqəladə Hallar Nazirliyinin rəsmi saytı məlumat yayıb.

Nazirlik bildirir ki, Şamaxı rayonu, Bağırlı kəndi yaxınlığında yağış və sel sularının intensivləşməsi nəticəsində avtomobillərin və sərnişinlərin köməksiz vəziyyətdə yolda qalması barədə məlumat daxil olub.

Hadisə yerinə cəlb olunmuş xilasedicilər 22 nəfəri xilas edərək təhlükəsiz əraziyə təxliyə ediblər.

Şamaxıda mayın 6-dan yağan leysan yağışları nəticəsində bir nəfər həlak olub. Şamaxı iсra başçısının müavini Qasım Qasımov AzadlıqRadiosuna bildirib ki, 22 yaşlı Ovculu kənd sakini Bilalı Alməmmədov sel sularının qurbanı olub.

Onun sözlərinə görə, mal-qara tələfatı, əkin sahələrinə ziyanla bağlı hələlik əllərində konkret məlumatlar yoxdur: «Amma demişik ki, belə hallarla üzləşənlər bizə müraciət etsinlər. İşıq-qaz-telefon xətlərinə zədə dəyməyib, yağış da hazırda kəsib».

Günün bütün mövzuları

XS
SM
MD
LG