Ümumdünya Mətbuat Azadlığı Günü münasibətilə mayın 3-də bir qrup jurnalist Elmar Hüseynovun məzarını ziyarət edib.
Ziyarətçilər Azərbaycanda söz azadlığının vəziyyətini qiymətləndirib, Elmar Hüseynovun qatilinin hələ də tapılmamasını pisləyiblər.
Elmar Hüseynov 2005-ci il martın 2-də Bakıda, yaşadığı evin blokunda odlu silahla qətlə yetirilib. İstintaqı Milli Təhlükəsizlik Nazirliyi aparır.
3 may - Ümumdünya Mətbuat Azadlığı Günüdür. Bu gün mətbuat azadlığında olan vəziyyətin təhlil edilməsi, mətbuatın hücumlardan qorunması və vəzifə borcunu yerinə yetirərkən həyatını qurban vermiş jurnalistlərə dərin ehtiramın izhar edilməsi üçün bir imkandır. Ümumdünya Mətbuat Azadlığı Günü 1993-cü ildən qeyd olunur.
Azərbaycanın rəsmi mövqeyi odur ki, ölkədə söz və mətbuat azadlığı tam təmin olunub. Jurnalist fəaliyyətinə görə də heç kim həbsdə deyil.
Amma yerli hüquq müdafiəçilərinin bir qrupu hazırda Azərbaycanda 6 jurnalistin həbsdə olduğunu, digər qrupu isə yalnız bir jurnalistin həbsdə olduğunu bəyan edir.
ABŞ-da yerləşən Freedom House qeyri-hökumət təşkilatının mayın 1-də açıqladığı hesabatda qeyd olunur ki, «Azərbaycanda media azad deyil».
Qurumun son hesabatında Azərbaycan 80 balla Rusiya və Zimbabve ilə 172-174-cü yerləri bölüşür.
Bundan əvvəl də Freedom House Azərbaycan mediasını «qeyri-azad» adlandırırdı.
Ziyarətçilər Azərbaycanda söz azadlığının vəziyyətini qiymətləndirib, Elmar Hüseynovun qatilinin hələ də tapılmamasını pisləyiblər.
Elmar Hüseynov 2005-ci il martın 2-də Bakıda, yaşadığı evin blokunda odlu silahla qətlə yetirilib. İstintaqı Milli Təhlükəsizlik Nazirliyi aparır.
3 may - Ümumdünya Mətbuat Azadlığı Günüdür. Bu gün mətbuat azadlığında olan vəziyyətin təhlil edilməsi, mətbuatın hücumlardan qorunması və vəzifə borcunu yerinə yetirərkən həyatını qurban vermiş jurnalistlərə dərin ehtiramın izhar edilməsi üçün bir imkandır. Ümumdünya Mətbuat Azadlığı Günü 1993-cü ildən qeyd olunur.
Azərbaycanın rəsmi mövqeyi odur ki, ölkədə söz və mətbuat azadlığı tam təmin olunub. Jurnalist fəaliyyətinə görə də heç kim həbsdə deyil.
Amma yerli hüquq müdafiəçilərinin bir qrupu hazırda Azərbaycanda 6 jurnalistin həbsdə olduğunu, digər qrupu isə yalnız bir jurnalistin həbsdə olduğunu bəyan edir.
ABŞ-da yerləşən Freedom House qeyri-hökumət təşkilatının mayın 1-də açıqladığı hesabatda qeyd olunur ki, «Azərbaycanda media azad deyil».
Qurumun son hesabatında Azərbaycan 80 balla Rusiya və Zimbabve ilə 172-174-cü yerləri bölüşür.
Bundan əvvəl də Freedom House Azərbaycan mediasını «qeyri-azad» adlandırırdı.
