Keçid linkləri

2016, 05 Dekabr, Bazar ertəsi, Bakı vaxtı 02:43

Sürücülər nəqliyyat departamentindən narazılıq edirlər [Video]


Mayın 2-də mikroavtobuslarla Sumqayıtdan Bakıya sərnişin daşıyan sürücülərlə şəhər nəqliyyat departamentinin rəhbərliyi arasında mübahisə yaranıb. Məsələyə polis müdaxilə edib. Sürücülərdən biri – Elsevər Qafarov polis bölməsinə aparılıb. Öz yoldaşlarının saxlanmasına etiraz edən sürücülər bölmənin qarşısına toplaşıblar. Bir müddət sonra polis Elsevər Qafarovu buraxıb.

Sürücülər AzadlıqRadiosuna bildiriblər ki, neçə illərdir Bakıdan - metronun «20 Yanvar» stansiyasından Sumqayıta sərnişin daşıyırlar. Sürücülərin dediyinə görə, son vaxtlar Sumqayıt şəhər Nəqliyyat Departamenti onların işləməsinə imkan vermir. Yollarını kəsib sənədlərini alır, maşını cərimə meydançasına aparırlar.

Nəqliyyat Nazirliyinin mətbuat katibliyinin müdiri Namiq Həsənov isə deyir ki, Bakıdan Sumqayıta avtobuslarla sərnişindaşıma «avtovağzaldan avtovağzala» prinsipi ilə həyata keçirilməlidir:

«O sürücülər yəqin ki, bu prinsipi pozduqları üçün barələrində tədbir görülür».

Namiq Həsənov bildirir ki, avtobuslar standartlara uyğundursa, lisenziya şərtlərini pozmurlarsa və qeyri-qanuni xəttə daxil olmurlarsa, onlardan heç kim saxlanmır.

Günün bütün mövzuları

Şərhləri göstər

XS
SM
MD
LG