Keçid linkləri

logo-print
2016, 04 Dekabr, bazar, Bakı vaxtı 12:36
Moskvada bir qrup gənc Xilaskar İsa kilsəsinin qarşısında aksiya keçirdib. İnterfaksın yaydığı məlumata görə, yeniyetmələr dinə qarşı şüarlar səsləndiriblər, Rus Pravoslav Kİlsəsinin ünvanına nalayiq sözlər işlədiblər.

Piketdən sonra gənclər Moskva çayının kənarı ilə Kremlə doğru yürüş ediblər. Sonda aksiyanın altı iştirakçısı polis tərəfindən saxlanılıb.

Bu hadisə onsuz da əsəbi olan Rus Pravoslav Kilsəsinin rəsmilərini bir qədər də özündən çıxarıb. Kilsənin mətbuat katibi Vladimir Legoyda yeniyetmələrin bu hərəkətinin təəssüf doğurduğunu bildirib.

Bundan əvvəl də bir neçə qalmaqallı hadisə yaşanmışdı ki, dini liderlər bunları Kilsəyə qarşı hücum kimi qiymətləndirmişdilər.

Fevralın sonunda Pussy Riot qadın pank klubunun üzvləri gözlənilmədən kilsədə konsert vermişdilər. Bu əməllərinə görə qrupun 3 üzvü saxlanılıb. Onların məhkəməsi bu ayn sonunda başlayacaq. Kilsədə oxuyan qadınları 7 ilə qədər həbs cəzası kəsilə bilər.

2 həftə əvvəl isə bloggerlər Patriarx Kirilin saatı ilə bağlı qalmaqallı şəkli ortaya çıxartmışdılar. Onlar sübut etmişdilər ki, Patriarxın rəsmən yayılan şəkillərində Kilsə tərəfindən dəyişiklik edilib və onun qoluna taxdığı 30 min dollarlıq saatın şəkli rəqəmsal üsulla silinib. Kilsə Patriarx Kirilin belə bahalıqda saatı olduğunu inkar edirdi.

Günün bütün mövzuları

Şərhləri göstər

XS
SM
MD
LG