Keçid linkləri

2016, 07 Dekabr, çərşənbə, Bakı vaxtı 16:24

Nazirlik əməkdaşı rüşvət alarkən tutulub


Balakən rayon Əmək və Əhalinin sosial müdafiəsi Mərkəzinin direktor müavini rüşvət alarkən cinayət başında tutulub.

Bu barədə Baş Prokurorluğun rəsmi saytı məlumat yayıb. Bildirilir ki, Əmək və Əhalinin Sosial Müdafiəsi Nazirliyinin Balakən rayon Mərkəzinin direktor müavini Əliyev Əfqan Tahir oğlunun qanunsuz hərəkətləri barədə Balakən rayon sakininin Baş prokuror yanında Korrupsiyaya qarşı mübarizə idarəsinin «Qaynar xətt» əlaqə mərkəzinə daxil olmuş müraciəti araşdırılıb.

Müəyyən edilib ki, Əfqan Əliyev ünvanlı dövlət sosial yardımı ayrılması barədə müraciət edən Balakən rayon sakinin adına yardımın təyini və ödənilməsi üçün ondan 400 manat rüşvət tələb edib. Bundan sonra o, həmin puldan 200 manatını almaqla, cinayət əməlini davam etdirərək 10 aprel 2012-ci il tarixdə tələb etdiyi məbləğin verilməmiş qalan 200 manatını xidməti otağında rüşvət kimi alarkən cinayət başında yaxalanıb.

Ə.Əliyevin xidməti otağına baxış keçirilərkən otaqdan iş üçün əhəmiyyət kəsb edən plastik kartların uçotu jurnalı və digər sənədlər aşkar edilərək götürülüb.

Əfqan Əliyev barəsində Cinayət Məcəlləsinin 311.1-ci (rüşvət alma) maddəsi ilə cinayət işi başlanıb. Barəsində həbs qətimkan tədbiri seçilib.

Hazırda cinayət işi üzrə istintaq davam etdirilir.

Günün bütün mövzuları

XS
SM
MD
LG