Keçid linkləri

2024, 29 Mart, Cümə, Bakı vaxtı 15:40

Rasim Qaraca. Yeni şeirlər


.
Rasim Qaraca


YENİ ŞEİRLƏR


*
Qatar yırğalanır...
Artıq mənə layla çalan birisi vardır...

*
Telefon nömrəni ovcuna yazan bu qız
səni ölümünə sevəcək...

*
Bizim bu adi günlərimizdə,
cibimizin boş,
könlümüzün dolu saatlarında...

*
Sevgilim,
gəl bu qaranlığa keçək,
közərən dodaqlarınla...

*
Küləklər əsir,
min bir əzyiyyətlə toplanmış bəşər tarixini
kürüyüb heç edir...

*
Nə qədər uzaqlara gedəcəyimi deyil,
nə qədər uzaqlardan gəldiyimi sor...

*
Bir saniyə nədir ki...
Cəmi bir saniyə sevgilim ol,
qoy utansın zaman
özünün bu mənasız sonsuzluğundan...

*
Bəyaz kağız üzərində
üç nar dənəsi...
Bundan daha gözəl şeirim heç olmayıb...

*
Oturduğum yerdən aya baxıram,
bir azdan o
traktorun kabinəsinə girəcək...

*
Elə bir an gəlir bəzən
külək yalnız hava axını olur,
yağış üzünə çırpılan su,
sevgilinsə, hər an
geriyə qayıtmasını istədiyin bir insan...


*
Biz savaşları durdura bilməsək də
gözlərimizi elə bərəldərik ki,
görənlər başa düşər
onun necə qorxulu olduğunu...

*
Nə qədər olmasa da
kölgələr arasında
mənim də bir kölgəm var...

*
Yaşayırıq
ağacın başındakı dəymiş tutlara baxıb
ətəyindəki kalları dərən
uşaqlar kimi...

*
Tanrım,
biz burada
şokolad qutularındayıq...

*
Masanın üzərində
araq dolu qrafin –
Hə, bu da mənim bioqrafim...

*
Mən öləndən sonra
kitabımı
sənin kitabının üstünə qoysunlar...

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG