Münsiflər bu şeirləri "Ədəbi Azadlıq-2012" müsabiqəsinə qatılmış 149 müəllifin əsəri arasından seçib fərqləndirib, amma 20-liyə düşmək üçün balı kifayət etməyib.
Amil Avey
(Alim Məmmədov)
O gün
Unuda bilmirəm sənli günləri,
Yaddaşım mənimlə inada düşüb.
Sinəmə həsrətin dağ-düyünləri,
Fikrimin gölünə bir ada düşüb.
Bu gün başqa gündü, bu gün gün deyil,
Bu gün yaşa dolub ahıllanıbdı.
O gün sərxoşluğum, dəli çağlarım,
İndi hamı deyir, ağıllanıbdı.
Zamanın qəribə qütbləri var,
Bu gün həqiqətdi, o gün yuxuymuş.
Dünyanın işləri nağıla oxşar,
Eh, biri varıymış, biri yoxuymuş.
O gün keçib getmiş qatardı bəlkə,
Havada burulan tüstüsü qalıb.
O gün sönmüş ocaq, qaralmış ocaq,
Bə niyə bu qədər istisi qalıb?
İşini
Hər anın bir hökmü, bir qərarı var,
Axşama qoymayaq gündüz işini.
Sinəmə söz gəlib yenə bir qatar,
Gecikdirmə qələm, kağız işini.
Mən alışıb yanan, sən külüm çəkən,
Görməyibsən belə sən zülüm çəkən.
Mən payız meyvəsi, sən dilim kəsən,
Kəs, qışa saxlama payız işini.
Gözün hal qoymayıb ürəkdə, canda,
Oxun kamandadı, sinəm nişanda,
Könüllü seçmişik iş paylananda
Mən ürək işini, sən göz işini.
Sevən necə Kərəm, Qərib olmasın?
Qoy belə dərd olsun, təbib olmasın.
Yaxşı bacarırıq, tərif olmasın,
Mən kabab işini, sən köz işini.
Dünya vəfasızdı, dərk eləmədik,
İstəyi göyərdib görk eləmədik,
Ömür gəlib keçdi, tərk eləmədik
Mən həsrət işini, sən naz işini.
Amil baş əymədi tale yazana,
Bir asi yarandı dövrə, zamana,
Düşmə zülm etməkdən başqa gümana,
Dolaşığa salma sən düz işini.
Amil Avey
(Alim Məmmədov)
O gün
Unuda bilmirəm sənli günləri,
Yaddaşım mənimlə inada düşüb.
Sinəmə həsrətin dağ-düyünləri,
Fikrimin gölünə bir ada düşüb.
Bu gün başqa gündü, bu gün gün deyil,
Bu gün yaşa dolub ahıllanıbdı.
O gün sərxoşluğum, dəli çağlarım,
İndi hamı deyir, ağıllanıbdı.
Zamanın qəribə qütbləri var,
Bu gün həqiqətdi, o gün yuxuymuş.
Dünyanın işləri nağıla oxşar,
Eh, biri varıymış, biri yoxuymuş.
O gün keçib getmiş qatardı bəlkə,
Havada burulan tüstüsü qalıb.
O gün sönmüş ocaq, qaralmış ocaq,
Bə niyə bu qədər istisi qalıb?
İşini
Hər anın bir hökmü, bir qərarı var,
Axşama qoymayaq gündüz işini.
Sinəmə söz gəlib yenə bir qatar,
Gecikdirmə qələm, kağız işini.
Mən alışıb yanan, sən külüm çəkən,
Görməyibsən belə sən zülüm çəkən.
Mən payız meyvəsi, sən dilim kəsən,
Kəs, qışa saxlama payız işini.
Gözün hal qoymayıb ürəkdə, canda,
Oxun kamandadı, sinəm nişanda,
Könüllü seçmişik iş paylananda
Mən ürək işini, sən göz işini.
Sevən necə Kərəm, Qərib olmasın?
Qoy belə dərd olsun, təbib olmasın.
Yaxşı bacarırıq, tərif olmasın,
Mən kabab işini, sən köz işini.
Dünya vəfasızdı, dərk eləmədik,
İstəyi göyərdib görk eləmədik,
Ömür gəlib keçdi, tərk eləmədik
Mən həsrət işini, sən naz işini.
Amil baş əymədi tale yazana,
Bir asi yarandı dövrə, zamana,
Düşmə zülm etməkdən başqa gümana,
Dolaşığa salma sən düz işini.
