Keçid linkləri

logo-print
2016, 04 Dekabr, bazar, Bakı vaxtı 02:07
Səbail polisində saxlanılan «Bulistan» rok-qrupunun ifaçısı Camal Əlinin vəkillə görüşünə icazə verilmir.

Bu barədə AzadlıqRadiosuna rokçunun vəkili Anar Qasımlı məlumat verib:

«Müdafiə etdiyim Camal Əli ilə görüşmək üçün bu gün [martın 24-də] Səbail rayon Polis İdarəsinə getdim. Dedilər yalnız məhkəmədən sənəd gətirəndən sonra görüş verə bilərik».

Vəkil qanunvericilikdə belə bir proseduranın olmadığını deyir.

Camal Əli martın 17-də Bakıda keçirilən icazəli mitinqdə saxlanılıb. Səbail rayon Məhkəməsi onun barəsində 10 sutkalıq inzibati həbs qərarı verib.

Camal Əlinin anası Gülşən Əliyeva da indiyə qədər oğlu ilə görüşə bilmədiklərini deyir:

«Apardığım yeməkləri qəbul edirlər. Polis idarəsində hər dəfə deyirlər ki, narahat olmayın, oğlunuzun vəziyyəti yaxşıdır. Dostları da siqaret və paltar aparıblar, hamısını qəbul ediblər. Amma görüş verilmir».

Günün bütün mövzuları

XS
SM
MD
LG