“Din sahəsində milli kadrların azlığı əsas problemlərdən biridir”. APA-nın xəbərinə görə, bunu Dini Qurumlarla İş üzrə Dövlət Komitəsinin sədri Hidayət Orucov deyib.
Komitə sədri bildirib ki, Azərbaycan müstəqilliyini bərpa etdikdən sonra xeyli sayda gənc qeyri-dövlət xətti ilə xaricdə dini təhsilə cəlb olunub. Amma onların böyük əksəriyyəti təhsil aldıqları xarici ölkələrin ideologiyasının təəssübkeş və təbliğatçısına çevriliblər.
Bu durumdan təəssüfləndiyini bildirən Hidayət Orucov qeyd edib ki, hazırda milli ideologiyamıza sadiq gənc, vətənpərvər kadrların hazırlanması qarşıda duran əsas vəzifələrdəndir.
