Keçid linkləri

2016, 09 Dekabr, Cümə, Bakı vaxtı 13:58
Iranda dahi Nizami Gəncəvinin “Xosrov və Şirin” poemasını senzura edəcəklər.

İranın Mədəniyyət və Dini Qaydalar Nazirliyi bildirib ki, poemanın bəzi hissələri yenidən işlənməlidir.

Bu günlərdə ölkə nəşriyyatlarından biri nazirliyə müraciət edərək poemanın 8-ci dəfə nəşri üçün icazə istəyib (İranda hər bir kitabın çapına rəsmi icazə olmalıdır) və ona bu cavab verilib.

Bu təkcə nəşriyyat yox, İran cəmiyyətində bir çoxları üçün gözlənilməz olub.

Çağdaş İran poeziyasının ən tanınmış nümayəndələrindən olan Simin Behbahani deyib ki, “Poema 9 əsrdir yazılıb və... iranlılar da bu 9 əsr ərzində müsəlman olaraq qalıblar.

Heç kim “Xosrov və Şirin” poemasına etiraz etməyib, onun hansısa hissələrini senzura etmək haqqında düşünməyib...

Əgər düşünsəydi, indiyə poemadan heç nə qalmazdı. Poemanı senzura etmək haqqında danışanlar utanıb xəcalət çəkməlidir!”


İ Simin Behbahani

Simin Behbahani

ranın Mədəniyyət və Dini Qaydalar Nazirliyi hələ ki poemanı niyə senzura etmək istədiyini açıqlamayıb.

Məlumata görə, nazirliyi narazı salan məqamlardan biri Şirinin kişi meyitini qucaqlamasıdır.

Bu onun qətlə yetirilmiş ərinin meyitidir. Poemanın bu məqamı Şirinin əsərin sonunda niyə intihar etməsini aydınlaşdıran məqamdır.

Görünür bu məsələ də senzorları qətiyyən narahat etmir.

Almaniyada mühacir həyatı yaşayan Faraj Sarkouhi deyir ki, İran senzorları əsərlərdəki məhəbbət səhnələrini cəmiyyət üçün təhlükə kimi görürlər. Bununla da klassika, yaxud müasir əsər olmasından asılı olmayaraq İranı “ədəbiyyat üçün cəhənnəm”ə çevirirlər.


Şirinin Xosrovun məqbərəsində özünü öldürməsi (Poemanın Azərbaycan dilinə tərcüməsindən):

...Möbidlə danışıb son vida üçün
Girdi məqbərənin içinə Şirin.
Qapını bağladı, qoy görməsinlər,
Yanaşdı tabuta əlində xəncər.
Götürdü örtüyü, tapdı yaranı,
Əyildi bir dəfə öpdü yaranı.
Yaranın yerini öyrənən pəri
O yerdən döşünə vurdu xəncəri.
Yatağı doldurdu isti, al qanı,
Təzələdi şahda кöhnə yaranı.
Şahı qucaqlayıb düşdü yatağa,
Döş-döşə dayandı, dodaq-dodağa.
Sonradan ucaltdı öz naləsini,
Camaat eşitdi onun səsini:
"Qovuşdu tənə tən, yetdi cana can,
Aradan yox oldu işgəncə, hicran."
Xosrov məclisində yatan şəкərə
Xoş olsun bu şirin yuxu yüz кərə!
Allaha xoş gələr hər mömin bəndə
Bir dua edərsə bura gələndə.
Desin: tanrım, əfv et o aşiqləri,
Bir cənnətə dönsün onların yeri...

Günün bütün mövzuları

Şərhləri göstər

XS
SM
MD
LG