Keçid linkləri

2016, 10 Dekabr, şənbə, Bakı vaxtı 22:58

Ukraynadan «Eurovision»a gedəcək müğənniyə millətçilər etiraz edir


Qaytana

Qaytana

Bakıda keçiriləcək «Eurovision» mahnı müsabiqəsində Ukraynanı təmsil edəcək Afrikamənşəli Qaytananın təhqir olunması ətrafındakı qalmaqal böyüyür.

Qaytananın atası konqolu, anası ukraynalıdır.

Qalmaqal fevralın 22-də başlayıb. Azadlıq Partiyasının sözçüsü Yuri Sirotyuk deyib ki, 32 yaşlı Qaytananın Ukraynanı «Eurovision» mahnı müsabiqəsində təmsil etməyə haqqı çatmır. Onun fikrincə, «bu qız Ukraynanın ruhunu təmsil etmir».

UKRAYNA RUHU

Ukraynada çoxları müğənni haqqında səslənən fikriləri yersiz sayırlar. Qaytana Bakıda «Be My Guest» («Qonağım ol») mahnısını ifa edəcək. Tərəfdarları deyir ki, bu mahnı Ukraynanın qonaqpərvər və dost ölkə kimi təbliğinə kömək edəcək.

Azadlıq Partiyasının sözçüsü Sirotyuk isə bildirib ki, o, Qaytana ilə bağlı heç bir fikir söyləməyib:

«Mən sadəcə milli seçim prosesi ilə bağlı narahatlığımı ifadə etmişəm. Demişəm ki, Ruslana əla idi. Çünki o, milli mahnı oxumuşdu».

Ruslana 8 il əvvəl «Eurovision»un qalibi olub.


RUSLANA VƏ KLİÇKODAN DƏSTƏK

Ukraynanın bir çox məşhur adamları, o cümlədən Ruslana və boksçu Vitali Kliçko Qaytananı dəstəkləyiblər. Onu «Eurovision» üçün ən yaxşı namizəd adlandırıblar.

Amma Qaytana özünü təhqir olunmuş sayır.

«Bu cür fikrilər Ukraynanın imicinə xələl gətirir. Əlimizdən gələni edirik ki, Ukrayna Avropa ailəsinin üzvü olsun və heç kim ölkəmizə gəlməkdən qorxmasın» - deyə o, mətbuat konfransında bildirib.

Bu qalmaqaldan az əvvəl Avropa Şurası hesabat yaymışdı. Hesabatda deyilir ki, Ukraynada ayrı-seçkiliyə və ksefonobiyaya qarşı lazımınca mübarizə aparılmır.

Şərhləri göstər

XS
SM
MD
LG