Keçid linkləri

2024, 28 Mart, Cümə axşamı, Bakı vaxtı 23:52

ARDNŞ London birjasında 500 mln dollarlıq bond satıb


Azərbaycan Dövlət Neft Şirkəti (ARDNŞ) London birjasında avrobondlarının yerləşdirilməsini başa çatdırıb.

Avrobondların ümumi məbləği 500 mln. dollar, gəlirlik illik 5,45% səviyyəsində müəyyən edilib. Avrobondların ödənilməsi müddəti 2017-ci ilə qədərdir.

«Citigroup», «Deutsche Bank» və «Royal Bank of Scotland» bankları avrobond emissiyası üzrə birgə əsas idarəçilər qismində, «Nomura» və «Societe Generale Corporate & Investment Banking» bankları isə birgə idarəçilər qismində çıxış edib.

Avrobondlar İngiltərə (46%), digər Avropa ölkələri (38%), ABŞ-ın offşor (12%) və Asiya (4%) investorları arasında yerləşdirilib. Yerləşdirmə nəticəsində Avrobondların 63%-i fond idarəçiləri, 16%-i banklar, 11%-i sığorta şirkətləri və pensiya fondları, 10%-i isə hedc fondları tərəfindən alınıb.

ARDNŞ-in avrobondlarına «Fitch» reytinq agentliyi tərəfindən «BBB-», «Moody’s» agentliyi tərəfindən isə «Ba1» reytinqi təyin edilib.

ARDNŞ-in korporativ uzunmüddətli reytinqi «Fitch» tərəfindən «BBB-» (sabit proqnoz), «Standard & Poor’s» agentliyi tərəfindən «BB+» (sabit proqnoz) və «Moody’s» agentliyi tərəfindən «Ba1» (sabit proqnoz) kimi qiymətləndirilib.

Sual odur ki, ARDNŞ borcla pulu niyə cəlb edir? Onun pul ehtiyatı azdırmı?
Və ARDNŞ cəlb etdiyi yarım milyard dolları nəyə sərf edəcək?

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG