Əfqanıstanda altışər əkizlər dünyaya gətirən kasıb ana nəhayət yanvarın 25-də bir az rahat nəfəs alıb... Ilk dəfə ana olmuş 23 yaşlı Sara Gül həyat yoldaşı ilə birlikdə Məzari-Şərif şəhərində yaşayır.
Yanvarın 24-də onun üç oğlu, üç də qızı olub
Doğum evindən Azadlıq Radiosunun əfqan xidmətinə verdiyi müsahibədə Sara Gül deyib ki, əri Şükrulla ilə birlikdə onsuz da gündəlik çörək pullarını zorla qazanırlarmış.
Və birdən məlum olub ki, onun bir yox, altı uşağı olacaq.
Sara Gül bilməyib ki, neyləsin, 6 uşağı saxlamaq onların imkanı xaricində idi.
Heç körpələrə tibbi yardım lazım olsaydı, buna da imkanları çatmayacaqdı.
Hamilə qadın əri ilə birlikdə yaşadıqları kənddən Məzari Şərifə üz tutublar ki, bəlkə Şükrulla orda yaxşı iş tapa. Amma bu, mümkün olmayıb.
Gənc ana deyir ki, o hətta uşaqları salmağa da cəhd edib
“Bunun üçün müxtəlif yollara əl atdım, dava-dərman qəbul etdim, hasardan
tullandım, amma xeyri olmadı”.
Yanvarın 25-də yatdığı xəstəxananın rəhbərliyi gənc ailəyə 6 min əfqani – təxminən 120 dollar yardım edib.
Bəlx vilayətinin qubernatorunun ofisi isə onlara daha 1000 dollar yardım etməyi söz verib.
Məmurların verdikləri sözə əməl edib-etməyəcəyi hələ bəlli deyil, amma hələ ki işlər pis getmir.
Doğum evinin əməkdaşı Azadlıq Radiosunun əfqan xidmətinin müxbirinə deyib ki, altışər əkizlər vaxtından əvvəl dünyaya gəldikləri üçün körpələr üçün inkubatorda saxlanırlar. Sağlamdırlar...
Yanvarın 24-də onun üç oğlu, üç də qızı olub
Doğum evindən Azadlıq Radiosunun əfqan xidmətinə verdiyi müsahibədə Sara Gül deyib ki, əri Şükrulla ilə birlikdə onsuz da gündəlik çörək pullarını zorla qazanırlarmış.
Və birdən məlum olub ki, onun bir yox, altı uşağı olacaq.
Sara Gül bilməyib ki, neyləsin, 6 uşağı saxlamaq onların imkanı xaricində idi.
Heç körpələrə tibbi yardım lazım olsaydı, buna da imkanları çatmayacaqdı.
Hamilə qadın əri ilə birlikdə yaşadıqları kənddən Məzari Şərifə üz tutublar ki, bəlkə Şükrulla orda yaxşı iş tapa. Amma bu, mümkün olmayıb.
Gənc ana deyir ki, o hətta uşaqları salmağa da cəhd edib
“Bunun üçün müxtəlif yollara əl atdım, dava-dərman qəbul etdim, hasardan
tullandım, amma xeyri olmadı”.
Yanvarın 25-də yatdığı xəstəxananın rəhbərliyi gənc ailəyə 6 min əfqani – təxminən 120 dollar yardım edib.
Bəlx vilayətinin qubernatorunun ofisi isə onlara daha 1000 dollar yardım etməyi söz verib.
Məmurların verdikləri sözə əməl edib-etməyəcəyi hələ bəlli deyil, amma hələ ki işlər pis getmir.
Doğum evinin əməkdaşı Azadlıq Radiosunun əfqan xidmətinin müxbirinə deyib ki, altışər əkizlər vaxtından əvvəl dünyaya gəldikləri üçün körpələr üçün inkubatorda saxlanırlar. Sağlamdırlar...