Keçid linkləri

2016, 07 Dekabr, çərşənbə, Bakı vaxtı 22:44

Gənclərə dövlət qayğısı, bağlı qapılar arxasındakı müəmma...


Mətbuat icmalı

Mətbuat icmalı

«Azərbaycan» qəzeti yazır ki, «Gənc nəsil yüksək dövlət qayğısı ilə əhatə olunur».

Qəzet 2011-ci ildə ən yadda qalan hadisələrdən birinin «Eurovision 2011» mahnı müsabiqəsində qazanılan qələbə olduğunu yazır.

«Eldar-Nigar dueti Avropa musiqi müsabiqəsində təkcə sənət zirvəsinə yüksəlmədi, həm də ölkəmizi reklam etdi. Dünyanın saysız-hesabsız kütləvi-informasiya vasitələri istər-istəməz Azərbaycandan danışmalı oldular. Odlar yurdunu indiyə qədər neft ölkəsi kimi tanıyanlar bu diyarın həm də musiqi, incəsənətlə nəfəs aldığını yəqinləşdirdilər», - deyə yazıda qeyd olunur.

«İnsanları alçalda-alçalda bu gün üçün saxlayırdılar». Bunu «Azadlıq» qəzetinə müsahibəsində bir müddət əvvəl Neft Akademiyasında kafedra müdirliyindən çıxarılan akademik Rafiq Əliyev deyib:

«İnsanları alçalda-alçalda bu gün üçün saxlayırdılar. Kiməsə böhtan atmaq, kiməsə qara yaxmaq üçün. Çox yaxşı bilirdilər ki, bu adamlardan nə akademik olar, nə böyük bir yazar. Amma onları hazırlayırdılar ki, sabah lazım olacaq. Bu adamlara mən necə ziyalı deyim. Vallah onlara yazığım gəlir».

Rafiq Əliyev ölkədəki ədalətsizliyə də toxunub: «Belə ədalətsizlik olmaz, biri ilan olan zirzəmidə yaşayır, birinin 17 villası var. Mənim vicdanım varsa, bunlara dözə bilmərəm…».

«Bizim yol» qəzeti Masallıdakı «Bağlı qapılar arxasındakı müəmma»dan yazır. Hüquq-müdafiəçiləri və jurnalistlər AXCP Cəlilabad rayon təşkilatının sədri Təzəxan Mirələmli və oğlunun həbs şəraiti tanış olmaq istəsələr də, bir hüquq müdafiəçisindən başqa heç kimi görüşə buraxılmayıb.

«Yeni Müsavat» qəzeti AXCP sədri Əli Kərimlinin fikirlərinə yer verib. O, hakimiyyətin inqilabı önləmək üçün var gücü ilə çalışdığını deyir:

«Repressiyaların gücləndirilməsi diktatorların dərdinə dərman deyil».

Günün bütün mövzuları

XS
SM
MD
LG