Keçid linkləri

logo-print
2016, 06 Dekabr, çərşənbə axşamı, Bakı vaxtı 10:08

Çingiz Əlioğlu. Yaşayam gərək


Əlhəd daşı - baş qardaşı,
Sirdaşım bir yorğun ürək.
Bu ürəklə mən bu daşı
Daşıyam, daşıyam gərək.

Söz bülövdü, qələm hanı? -
Qələm dedim, xışı tanı.
Bu bülövlə bu kotanı
Qaşıyam, qaşıyam gərək.

İynə ilə gor qazıram,
Bir gün ölsəm də razıyam.
Mən ki bir dastan yazıram,
Yaşayam, yaşayam gərək...

1990

Günün bütün mövzuları

XS
SM
MD
LG