Keçid linkləri

2024, 28 Mart, Cümə axşamı, Bakı vaxtı 16:58

Çingiz Əlioğlu. Mənə sarı gələn gəlin


Mənə sarı gələn gəlin,
Namxuda, kimin yarısan?
Göydə ay - bir para qalıb,
Yoxsa sən də bir yarısan?..

Mənə sarı gələn gəlin,
Nəfəsmisən, küləkmisən,
Söylə neçə gülzar qəlbi
Viran qoyub, kül əkmisən?..

Mənə sarı gələn gəlin,
Qədəmindən yar inciməz.
Yanağından iltifatla
Öpüş alan yel inciməz.

Mənə sarı gələn gəlin,
Qəlbimi qübar eyləmə.
Mənə sarı gələn gəlin,
Gəl, əğyardan ar eləmə.

Mənə sarı gələn gəlin,
Sarıl boynuma-boynuma.
Al bu gözü giryan olmuş
Yarı qoynuna-qoynuna...

1981

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG