Keçid linkləri

2016, 05 Dekabr, Bazar ertəsi, Bakı vaxtı 06:36

Çingiz Əlioğlu. Qarabağım - qara bağrım...


O dağalara sarı
gedən o uşaqların
toylarına çox vardı,
toy yaşına çatmadılar.
O dağalara sarı
gedən o uşaqların
ana gözü oxşayan
boylarına çox vardı hələ.
öz boylarına çatmadılar.
Nə deyib getdilər,
niyə getdilər?..
And içmişdilər
Halal südə, hala çörəyə.
And içmişdilər
ayaqlarının altındakı ana torpağa,
quma, kəsəyə,
çınqıla, daşa.
Belə müqəddəs and olan yerdə
kimdi baxan boya,
kimdi məhəl qoyan yaşa?..
Getdilər, getdilər
dağlara sarı.
Getdilər
yanar kökslərində,
odlu sinədə
qərənfil bitirməyə, gül bitirməyə.
Getdilər ulu, əbədi dağlardan
əbədi ölümsüzlük gətirməyə...

may, 1988

Günün bütün mövzuları

XS
SM
MD
LG