Keçid linkləri

2016, 11 Dekabr, bazar, Bakı vaxtı 18:05
«Bizim yol» qəzeti yazır ki, «Azərbaycan iki od arasında qalıb»: «Regionda baş verən hadisələr, İrandan və ABŞ-dan gələn təzyiqlər rəsmi Bakını seçim qarşısında qoyub».

«Azərbaycan» qəzeti əməkhaqqı artımının 670 min büdcə işçisini əhatə etdiyini yazır: «...əməkhaqqının 10 faiz artımının ödənilməsinə təkcə bu il 12.9 milyon manat əlavə vəsait yönəldiləcək. Əməkhaqqı artımının maliyyələşdirilməsi məqsədilə 2012-ci ilin dövlət büdcəsindən isə əlavə 154.7 milyon manat ayrılacaq…».

«Yeni Müsavat» qəzeti «Kremldən Azərbaycana tanış olan antimitinq metodları»ndan yazır. «Müxalifətin istədiyi meydan «zanit»dir, etirazçıları döyənlərin isə maaşını qaldırdılar», – deyə yazda qeyd olunur.

«Azadlıq» qəzeti yazır ki, «2012 il Azərbaycan və Rusiya üçün çətin olacaq». Qəzetə görə, «Qeyri-demokratik rejimlər üçün geriyə sayım başlayır…».

«Yeni Azərbaycan» qəzeti yazır ki, «Azərbaycan müdafiə sənayesi sürətlə inkişaf edir»: «Hərbi sənaye potensialını artıran Azərbaycan bir neçə ildən sonra regionda və xarici bazarlarda həm də hərbi təyinatlı məhsulların ixracatçısına çevriləcək…».

«Dağlıq Qarabağın Azərbaycan və erməni icması nümayəndələri Rusiyada görüşəcək?». «Exo» qəzeti yazır ki, icmaların bu görüşü Rusiyanın vasitəçiliyinə yeni məna verəcək…

Günün bütün mövzuları

XS
SM
MD
LG