Keçid linkləri

2016, 09 Dekabr, Cümə, Bakı vaxtı 08:27

Avtobusda gediş haqqının qaldırılması, Əli Həsənovun Tehran səfəri…


Mətbuat icmalı

Mətbuat icmalı

«Bizim yol» qəzeti yazıçı –publisist Rafiq Tağının ölümü ilə bağlı İrandan səslənən bəyanatlara vitse-spiker Bahar Muradovanın münasibətini dərc edib. Bahar Muradova deyib ki, «İran mollalarına bizim mollalar cavab verməlidirlər. Rafiq Tağı ilə bağlı səslənən bütün ehtimallar hüquq-mühafizə orqanları üçün ip ucu ola bilər…»

«Azadlıq» qəzeti yazır ki, Bakıda bəzi marşrutlarda gediş haqqı özbaşına olaraq artırılıb. 134 saylı marşrut avtobus gediş haqqını 25 qəpikdən 30 qəpiyə qaldırıb. Nəqliyyat Nazirliyindən isə bildirirlər ki, qiyməti yalnız Tarif Şurası qaldıra bilər. Şuranın da belə bir qərarı yoxdur.

«Azərbaycan» qəzeti Prezident Administrasiyası ictimai-siyasi şöbəsinin müdiri Əli Həsənovun İrana səfəri öncəsi mediaya verdiyi açıqlamanı oxucularının diqqətinə çatdırır. Əli Həsənov deyib ki, «Tehrana səfərim zamanı İranda ayrı-ayrı dairələrin Azərbaycan əleyhinə təhrikedici çıxışlarına son qoyulması xüsusi müzakirə olunacaq…».

«Yeni Müsavat» qəzeti isə İctimai Palatanın 2 aprel aksiyasına görə həbs olunan dörd nəfər barədə Bakı Apellyasiya Məhkəməsinin qərarından yazır: «Apellyasiya Məhkəməsi dörd vicdan məhbusunu həbsdə saxladı. Müttəhimlər qərarı «hakim sən köləsən», «hakim sən qulsan» şüarı ilə qarşılayıblar…».

Günün bütün mövzuları

Şərhləri göstər

XS
SM
MD
LG