Noyabrın 26-da «Dalğa» Gənclər Təşkilatı Azərbaycan, rus və ingilis dillərində yazılmış bu şüarla Heydər Əliyev adına hava limanının girəcəyində etiraz aksiyası keçirib.
Gənclər AzadlıqRadiosuna bildiriblər ki, onlar bununla son vaxtlar Azərbaycanda ziyalılara qarşı təzyiq və təqiblərə etiraz ediblər:
«Akademik Rafiq Əliyev işdən çıxarılıb, yazıçı Rafiq Tağı qətlə yetirilib. Bütün bu baş verənləri Azərbaycan ziyalısına ədalətsizlik kimi qiymətləndirdik. Hesab edirik ki, ziyalıya qarşı nə qədər basqı və təzyiq olarsa, o ölkənin gələcəyi olmaz».
Gənclər aksiya keçirmək üçün ünvanın da təsadüfən seçilmədiyini bildirirlər:
«Bu yoldan xaricilər Azərbaycana gəlir. Onlar elə bilirlər ki, neftin, yaşayışın gözəl olduğu bir ölkəyə gəlirlər. Onlara göstərmək istəyirdik ki, burda ziyalılar əzilir, öldürülür, işdən qovulur, onlara qarşı haqsızlıq edilir. Biz bundan sonra da bu vəziyyətə öz etirazımızı davam etdirəcəyik».
Aksiya qısamüddətli olub və polis müdaxiləsi olmadan başa çatıb.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
