Keçid linkləri

2016, 10 Dekabr, şənbə, Bakı vaxtı 01:39

Divara “Yəhudilərə ölüm” yazıb, pəncərələri sındırıblar

Belarusun Babruysk şəhərində bu gün sinaqoq dağıdılıb. AzadlıqRadiosunun Belarus xidmətinin verdiyi məlumata görə, bu səhər saat 2.00-da naməlum şəxslər sinaqoqun pəncələrini sındırıblar.

Dini məbədin katibi Maya Savaseyeva bildirib ki, bu şəxslər sinaqoqun həyətini əhatə edən divara “Yəhudilərə ölüm!” şüarını yazıblar:

“Bura insan şəxsiyyətini alçaldan sözləri yazılıb və svastika işarəsi çəkilib. Hadisə ilə bağlı polis araşdırmaya başlayıb”.

Savaseyevanın sözlərinə görə, sinaqoqa gedib-gələn icma üzvlərinin sayı təxminən 50 nəfərdir və onların əksəriyyəti yaşlı insanlardır. İndi isə binanın təmirinə məhz onlar pul ayırmalı olacaqlar.

1999-cı ildə Babrysk şəhərində 1400 yəhudi yaşayırdı. Bu gün isə onların dəqiq sayı məlum deyil. Çünki həmin vaxtlar bir çox yəhudilər Belarusu tərk ediblər.

Günün bütün mövzuları

Şərhləri göstər

XS
SM
MD
LG