Keçid linkləri

2016, 10 Dekabr, şənbə, Bakı vaxtı 01:40

Vidadi İsgəndərli Qaradağdakı həbsxanaya köçürülüb


Noyabrın 12-də hüquq müdafiəçisi Vidadi İsgəndərli 14 saylı həbsxanaya aparılıb.

Ümumi rejimli həmin cəzaçəkmə müəssisəsi Bakının Qaradağ rayonu, Qızıldaş qəsəbəsində yerləşir.

Bu barədə AzadlıqRadiosuna indiyə qədər onun saxlandığı 3 saylı istintaq təcridxanasından məlumat veriblər.

Noyabrın 5-də Gəncə istintaq təcridxanasından Bakıya gətirilən hüquq müdafiəçisi 1 həftə idi ki, Şüvəlandakı 3 saylı istintaq təcridxanasında saxlanırdı.

V.İsgəndərli avqustun 27-də Göyçay rayon Məhkəməsinin qərarı ilə 3 il azadlıqdan məhrum edilib.

Hüquq müdafiəçisi bu il aprelin 17-də İctimai Palatanın mitinqi zamanı saxlanıb.

V. İsgəndərli 7 noyabr parlament seçkiləri zamanı namizədliyini irəli sürmüşdü. O, seçki məntəqəsində səsverməni pozmaqda, məntəqə üzvləri ilə kobud rəftarda təqsirləndirilirdi.

Hüquq müdafiəçisi isə ittihamları rədd edir.

V.İsgəndərli şəkər xəstəliyindən əziyyət çəkir.

Günün bütün mövzuları

XS
SM
MD
LG