Keçid linkləri

logo-print
2016, 05 Dekabr, Bazar ertəsi, Bakı vaxtı 12:52
Azərbaycanın xalq artisti Yaşar Nurinin vəziyyəti pisləşib.

Aktyor ağır vəziyyətdə Mərkəzi Gömrük Hospitalının reanimasiya şöbəsinə yerləşdirilib.

Yaşar Nurinin özündə olmadığı, danışa bilmədiyi deyilir.

Bu faktı «APA»ya təsdiqləyən Yaşar Nurinin həyat yoldaşı Rəhimə Nuriyeva aktyorun vəziyyətinin həqiqətən də yaxşı olmadığını açıqlayıb:

«Yanına mən də daxil olmaqla, heç kim buraxılmır. Hər şey gözlənildiyindən də pisdir. Bu hal bizi çox narahat edir. Akademik Milli Dram Teatrında keçirilən yubileyindən sonra gündəlik müayinə olunurdu, hospitala gedirdi. Amma bu dəfə halı pisləşdi. Bunun səbəbləri mənə məlumdur, orqanizmi artıq mübarizə apara bilmir. Elə şeylər var ki, açıqlaya bilmirəm. Yaşarı yerindən belə tərpətmək olmaz. Anlayıram ki, durumu çox ağırdır».

Yaşar Nurinin səhhəti bu il sentyabrın 15-də də qəflətən pisləşmiş, aktyor bir müddət Dövlət Gömrük Komitəsinin Hospitalında müalicə almışdı.

Xalq artisti ötən ilin sonu, bu ilin əvvəlində isə Türkiyənin İstanbul Memorial Xəstəxanasında uzun müddət müalicə olunub.

Günün bütün mövzuları

XS
SM
MD
LG