Keçid linkləri

2016, 09 Dekabr, Cümə, Bakı vaxtı 12:01
Noyabrın 10-da Bakı Apellyasiya Məhkəməsində keçirilən prosesdə hakim Faiq Qasımov bildirib ki, Əvəz Zeynallının telefonlarının dinlənilməsi və onun barəsində əməliyyat-axtarış tədbirlərinin keçirilməsi məhkəmə qərarı ilə baş verib.

Hakim qeyd edib ki, məhkəmə həmin qərarı baş redaktorun həbsindən 2 gün qabaq, oktyabrın 26-da verib.

Baş redaktorun həyat yoldaşı Məlahət Zeynallı Əvəz Zeynallının həbsindən xeyli əvvəl izləndiyini və telefonunun dinlənildiyini iddia edir:

«Əvəz Zeynallı oktyabrın 28-də həbs edilib. Guya bunların əlində 26 oktyabrda verilən məhkəmə qərarı olub. Amma istintaqa çağırılan adamlardan görünür ki, telefonlar 5-6 ay əvvəl dinlənilib».

Oktyabrın 28-də Nəsimi rayon Məhkəməsinin qərarı ilə «Xural» qəzetinin baş redaktoru Əvəz Zeynallı üç aylıq həbs edilib.

Baş Prokurorluq onun deputat Gülər Əhmədovanın şikayəti əsasında həbs edildiyini bildirir.

Noyabrın 5-də isə ona qarşı yeni ittiham irəli sürülüb. Daha 3 nəfər Korrupsiya Qarşı Mübarizə İdarəsinə müraciət edərək baş redaktorun onlardan da rüşvət istədiyini bildirib.

Əvəz Zeynallı isə bütün ittihamları təkzib edir. Həbsinin jurnalist fəaliyyəti ilə bağlı olduğunu deyir.

Günün bütün mövzuları

XS
SM
MD
LG