Rusiya Ümumdünya Ticarət Təşkilatına qoşulacağına ümidlə yanaşır

Rusiya Ümumdünya Ticarət Təşkilatına qoşulmaqla bağlı danışıqların ilin sonunadək yekunlaşacağına ümidlə yanaşır.

Bunu prezident Dimitri Medvedev bazar günü Moskva ətrafında danışıqlara vasitəçilik edən İsveçrə prezidenti Michelin Kalmi-Reylə görüşdə deyib.

Rusiyanın Ümumdünya Ticarət Təşkilatına qoşulması üçün bütün üzv ölkələrin razılığı gərəkdir.

Gürcüstan buna qarşı çıxır.

Məlumatlara görə Moskva ilə Tbilisi İsveçrənin vasitəçiliyi ilə Cənubi Osetiya və Abxaziyadan daşınan mallara nəzarətlə bağlı razılığa gəliblər.