Keçid linkləri

2016, 11 Dekabr, bazar, Bakı vaxtı 14:29

Beynəlxalq cinayətlər məhkəməsi Qaddafinin oğlu ilə əlaqə qurub


Beynəlxalq Cinayətlər Məhkəməsinin prokuroru oktyabrın 28-də Muammar Qaddafinin oğlu Saif al-İslamla qeyri-rəsmi əlaqə yaratdıqlarını bildirib. Prokuror Luis Moreno-Ocampo bildirir ki, üçüncü şəxslərin vasitəçiliyi ilə aparılan danışıqda Saifin bu məhkəməyə təslim olması imkanları müzakirə edilib.

Prokurorun ofisindən yayılan məlumatda həmçinin əlavə edilir ki, əgər Saif al-İslam təslim olsa, onun məhkəmədə dinlənmək hüququ olacaq və məhkəmənin qərarına qədər günahsız hesab ediləcək.

Atası Muammar Qaddafinin Sirte şəhərində qətlə yetiriləndən sonra Saif al_islamın harda gizləndiyi məlum deyil. Təsdiq edilməmiş məlumatlara görə o, Nigerə qaçıb.
Beynəlxalq Cinayətlər Məhkəməsində Saif al-İslam atası ilə birlikdə insanlıq əleyhinə cinayətlərdə ittiham edilir. Bundan əvvəl yayılan məlumatlara görə Saif Beynəlxalq Cinayətlər Məhkəməsinə təslim olmağa hazır olduğunu bildirib və bunun üçün təyyarə tələb etmişdi.

Günün bütün mövzuları

XS
SM
MD
LG