Keçid linkləri

2016, 09 Dekabr, Cümə, Bakı vaxtı 19:50

ABŞ-ın ən böyük kitab dükanı böhrandan çıxış yolu tapmağa çalışır


"Barnes and Noble"in Nyu-Yorkda, Manhettendə kitab dükanı

"Barnes and Noble"in Nyu-Yorkda, Manhettendə kitab dükanı

Amerikanın kitab industriyası böhrandan çıxış yolu axtarmaqdadır.

ABŞ-ın ikinci ən böyük kitab dükanları şəbəkəsi olan “Borders” bu yaxınlarda müflis olandan sonra ölkənin ən böyük kitab ticarəti şirkəti olan “Barnes & Noble” bundan nəticə çıxarıb.

“Barnes & Noble” elan edib ki, bundan sonra satdığı malları daha da müxtəlifləşdirəcək. Məsələn, on-line satış “piştaxtalarına” oyuncaqlardan tutmuş televizora qədər 1 milyona yaxın mal əlavə ediləcək.

Bir müddət qabaq şirkət İnternetdə ən böyük ticarət saytı olan Amazon.com-la rəqabətə girərək e-book reader - elektron kitab oxuma qurğusu da istehsal etmişdi.

“Barnes & Noble” öz mallarını onun saytında satışa çıxarmaq istəyən şirkətlərə əməkdaşlıq təklif edir. Buna görə, “Barnes & Noble” belə şirkətlərdən 8-15 faiz haqq alır.

Röyters-in məlumatına görə, “Barnes & Noble”in saytında - BN.com-da gəlirlər son rübdə 37 faiz artıb. Bu da ümumilikdə şirkətin gəlirlərini 14 faiz artırıb.

“Barnes & Noble” indiyəcən əsasən kitab ticarəti ilə məşğul idi. Şirkətin Amerikanın 50 ştatında 700-dən çox kitab dükanı var. Bundan əlavə şirkətin kolleclərdə yerləşən 600-dən çox kitab dükanı 4 milyona qədər tələbəyə xidmət edir.

Son illərdə ABŞ-da elektron kitabların satışı çox sürətlə artdığı üçün əsasən kağız kitabların satışı ilə məşğul olan dükanlar müflis olmağa başlayıb.

Həmçinin oxu
Amerikanın ikinci ən böyük kitab dükanı müflis oldu

Günün bütün mövzuları

XS
SM
MD
LG