Keçid linkləri

2016, 11 Dekabr, bazar, Bakı vaxtı 12:15
Oktyabr ayında xristian dini jurnallarının birində dərc olunan məqalədə deyilir ki, subay xristianlar ailə qurana qədər qeyri-xristian yaşıdları qədər cinsi əlaqədə olurlar.

«Demək olar ki, hər kəs bunu edir» başlıqlı məqalədə subay xristianların seksual həyatına dair tədqiqata istinad olunur.

Bu tədqiqatlardan biri 2009-cu ilin dekabrında keçirilib. Cəmiyyətdə böyük təəccübə səbəb olub. Doğrudur, Gənc və Planlaşdırılmamış Hamiləliyin Qarşısının Alınması üzrə Milli Kampaniyanın keçirdiyi tədqiqatda respondentlərin dini araşdırılmamışdı.

Cinsi fəaliyyətlə yanaşı, dini mənsubluğun da araşdırıldığı başqa bir tədqiqatda isə müəyyən edilib ki, yaşı 18-dən 29-a qədər olan subay xristianların 80 faizi heç olmasa bir dəfə cinsi əlaqədə olublar.

ƏSL SEVGİ GÖZLƏYƏR?

«Əsl sevgi gözləyər» kimi hərəkatlar isə gəncləri saflıq üzüyü taxmağa həvəsləndirir. Bu üzük onu taxanın bakirə olduğunun, üzük sahibinin ailə qurana qədər buna sadiq qalacağının işarəsidir.

Lakin gənc xristianlar bu saflıq vədlərinə xilaf çıxırlar.

Foto: Arxiv

Foto: Arxiv

Məqalədə Maria adlı bir qızdan bəhs olunur. Onun fikri varmış ki, ailə qurmayana qədər heç kimlə cinsi əlaqədə olmasın. Ancaq 20 yaşı olanda, kollecdəki oğlan dostu ilə cinsi əlaqədə olub. Deyir ki, hər kəs, hətta onun xristian dostlarının əksəriyyəti cinsi həyatlarını yaşayırdı:

«Mənə elə gəlir ki, tanıdığım yaşlılar da, gənclər də belə ediblər. Əslində, mən tanıdığım insanlardan və iki bacımdan daha çox gözlədim. Baxmayaraq ki, biz hamımız xristianıq və çox yaxşı ailədənik».

SON 40 İLDƏ ABŞ-DA ORTA EVLİLİK YAŞI XEYLİ ARTIB

Məqalədə o da qeyd olunur ki, qədim dövrlərdə insanlar erkən ailə qururdular. Son 40 ildə ABŞ-da orta evlilik yaşı xeyli artıb. 30-40, ya da 50 yaşında subay xristian görmək elə də çətin deyil. İndi onlara nə məsləhət görmək lazımdır? Hələ də gözləməyi?

«İsa İbadəti» və «Bir inanc. İsa çağırır, biz onun ardınca gedirik» kitablarının müəllifi Skot Maknayt (Scot McKnight) etiraf edir ki, bu gün gənc subay xristianlar xristianlığın erkən dövründəki yaşıdları ilə müqayisədə daha çox yoldan çıxarmalar, şirnikləndirmələr ilə razılaşırlar.

Günün bütün mövzuları

Şərhləri göstər

XS
SM
MD
LG