Keçid linkləri

2016, 11 Dekabr, bazar, Bakı vaxtı 00:31

Azərbaycanın Daxili işlər naziri, general-polkovnik Ramil Usubov Müstəqil Dövlətlər Birliyi ölkələrinin Daxili İşlər Nazirləri Şurasının növbəti iclasında iştirak etmək üçün oktyabrın 13-də Ermənistan paytaxtı Yerevana yola düşüb.

“Media forum” saytının məlumatına görə, iki gün davam edəcək tədbirdə MDB iştirakçısı olan ölkələrin Daxili İşlər nazirliklərinin əməkdaşlığının prioritet istiqamətləri və cinayətkarlıqla mübarizədə dövlətlərarası proqramların icra vəziyyəti barədə fikir mübadiləsi aparılacaq.

Daxili İşlər Nazirləri Şurasının iclasında həmçinin informasiya texnologiyalarından istifadə edilməklə törədilən cinayətlərlə mübarizə sahəsində MDB dövlətlərinin əməkdaşlıq konsepsiyasının və üzv ölkələrin səlahiyyətli orqanlarının cinayət işləri üzrə maddi sübut olan narkotik vasitələri, odlu silah-sursatları ötürməsi mexanizmləri haqqında protokolun layihələri, MDB-nin 20 illik yubileyi ilə bağlı tədbirlər müzakirə olunacaq.

Dağlıq Qarabağ münaqişəsinə görə Azərbaycanla Ermənistan rəsmilərinin bir-birinə səfərləri çox nadir hadisələrdir.

Günün bütün mövzuları

XS
SM
MD
LG