Rusiya Baş naziri Vladimir Putin keçmiş sovet respublikalarını yenidən Avrasiya İttifaqında birləşdirməyi təklif edir. “İzvestiya” qəzetində dərc olunan məqaləsində Putin bildirir ki, yeni Avrasiya ittifaqı indi Rusiyanın Belarus və Qazaxıstanla qurduğu azad gömrük ittifaqının əsasında qurulmalıdır. 5 ay sonra keçiriləcək seçkilərdə Rusiya prezidenti olmaq şansı yüksək olan Putin iddia edir ki, bu plana görə, yeni ittifaq SSRİ-nin bərpası yox, Avropa Birliyi kimi bir tərəfdaşlıq olacaq.