Keçid linkləri

logo-print
2016, 04 Dekabr, bazar, Bakı vaxtı 06:25

Əkbər Qoşalı. Tanrı yazıb, ömrümüz bir cümlədi


Tanrı yazıb, ömrümüz bir cümlədi,


hər cümlənin yanında bir nöqtə var.


Şah işarə nə "sual", nə "nida"dı,


hərəsinin qanında bir nöqtə var.




...Söz bitən gün qələmlər yas saxlayır,


təqvimlər də Sözsüz bir gün saxlamır.


Sözü bəlkə tutub, bax, o saxlayır,


gahında üç, gahında bir nöqtə var.




Qələm yenə yaxşı sözçün sarsıdı-


inam yoxsa nəfs yenər əxlaqı!


...İşarələr baxışlar tək canlıdı,


bir nöqtə "yox" deyər, o bir nöqtə "var".

Günün bütün mövzuları

XS
SM
MD
LG