Keçid linkləri

2016, 11 Dekabr, bazar, Bakı vaxtı 09:59

Əkbər Qoşalı. Yol yaranıb ən ilk öncə, ya yolçu


Yol yaranıb ən ilk öncə, ya yolçu,


ən sonuncu yolçu kimdi görəsən?


Yolçuluqda ölər olsam, ya yolçu,


"yol sağ olsun, olan işdi" deyərsən.




Ölər olsam... tabutumu qaldırar,


qardaşım Zülfüqar, əzizim Yolçu.


Ləngidərlər, "bəlkə..." deyə, nə çıxar?


ləngitmə ölünü, mən ölüm, Yolçu.




Deyir, yolda yoxuş yoxsa, yol deyil,


gedən ruhdu, qılça deyil, qol deyil.


Ürəyim yoldadı, yolum sol deyil,


ürəyim yoldadı, ürəyim yolçu...




(Yol yaranıb görən, öncə, ya yolçu,


yol dəyişər, de, ən sonda, ya yolçu?


Yolçuluq da qutsal işdi, ya yolçu,


nə xoşbəxtdi ölən kişi, deyərsən.)

Günün bütün mövzuları

XS
SM
MD
LG