Keçid linkləri

2024, 28 Mart, Cümə axşamı, Bakı vaxtı 16:22

Musa Yaqub. Gedir


Başında qızıl taclar
Verib budaq-budağa
Payıza gedir ağaclar.

Həzin axşam yelində,
Arı yükü belində,
Tacında kəpənəklər
Payıza gedir çiçəklər.

Arxda düşüb qabağa
Xəzəllər payıza gedir.
Gizlində də görünür
Qırış düşüb ağ buxağa;
Bir az sallaq buxaqla,
Bir az solğun yanaqla
Gül barmaqlar, gül əllər –
Gözəllər payıza gedir.

Həkim dedi yaşdandı –
Divarında çapıqlar
Qulaqcığı yapıqlar –
Payıza gedir ürəyim.

Neçə-neçə can gedir,
Qovulan, qaçan da var
Payıza gəlir buludlar,
Quşlar payızdan gedir.

Sentyabr, 2010 Buynuz

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG