Keçid linkləri

2016, 07 Dekabr, çərşənbə, Bakı vaxtı 14:35

Rəsmiyyə Sabir. Pəncərəmdən süzülən işıq


Pəncərəmdən süzülən işıq,
girmə tənhalığımın içinə,
qeyb olarsan.

Pəncərəmdən süzülən işıq,
girmə gözlərimə,
göz yaşımda boğularsan.

Pəncərəmdən süzülən işıq,
girmə soyuq qəlbimə,
üşüyərsən.

Pəncərəmdən süzülən işıq,
girmə həyatıma,
dərd əlindən üzülərsən.

Pəncərəmdən süzülən işıq,
mənim qaranlıq qədərimdə
tapa bilməzsən yerini.
Sən nurlandıra bilməzsən
bəxt ulduzu sönənlərin
taleyini...

Günün bütün mövzuları

XS
SM
MD
LG