Keçid linkləri

2016, 08 Dekabr, Cümə axşamı, Bakı vaxtı 02:38
Ata

Ata
Başa düşmürsən məni ata
Başa düşmürsən
Ixtiyarın çatsa mələklərə de
Desinlər nələri pıçıldayırlar
Pıçıltını rahat eşidim deyə
Dünyanın başına çıxıb gedirəm
Gedirəm bilmirəm bəlkə günahdı
Bir də görürəm ki heç getməmişəm
Dayanıb iki mələk qarşımda mənim
Çaylar külək durur susur təbiət
Susur zaman xəlvət öz axarında
Beləcə həqiqət asılır havadan
Dəyişir günəşin şüalarından
Başa düşmürsən yenə
Başa düşmürsən
Axı necə gerçək çəkim göstərim
Axı onun dadın dadmayanlara
Necə dadı sözlə çatdırım ata

Ixtiyarın çatsa mələklərə de
Desinlər nələri pıçıldayırlar
Bütün yaradılan yolun bir qolu
Qələmə bağlıdı qırılmaz iplə
Kimə verilirsə qələm
toxuyur
Toxuyur dünyanın əyninə köynək
Axı uzaqdasan uzaqlardan bax
Yaxından möhtəşəm nəhəng naxışı
Görmək olmayacaq uzaqlardan bax
Uzaqlardan bax və gözlərini yum
Bəlkə görə bildin ulduzlarımı


o yanayam

mənə dərviş demə könlüm
mən dərvişdən o yanayam
mənə aşiq şair demə
o vərdişdən o yanayam

üzü aya avaz eylər
Yalquzaq söylər ağrımı
yaşasaydim belə eşqi
gəmirərdim öz bağrımı

qanadıyla süzür şahin
vurur göyə naxışları
Allahım gör indi məni
neynir yarın baxışları

mənə dərviş demə könlüm
mən dərvişdən o yanayam
mənə aşiq şair demə
o vərdişdən o yanayam

göylər pakdı torpaq da pak
qar dənəsi qara düşür
görən nədən insanlara
gözəlliydən yara düşür

nə zülmət nə qara düşməz
ürəyimə yara düşməz
mən o işdən o yanayam
dərdim saza tara düşməz

mənə dərviş demə könlüm
mən dərvişdən o yanayam
mənə aşiq şair demə
o vərdişdən o yanayam

Aşıq Veysəlin xatirəsinə


Hindu fəlsəfəsi

- Nədən sevgiylə ala bildiyini
alırsan güc ilə
hiylə yoluyla?
Özünü yuxuya vurmuş adamı
oyatmaz ildirım səsi, doluyla.

Dünyanın sonuncu ağac, çay, quşu
Ucalsa saf qalıb, azad uçarsa
Tənhalıq, sarsıntı, dərd olmayacaq,
ovuclar xeyirlə xeyrə açarsa.

Qüvvənin qaranlıq, aydın üzü var.
Qaranlıq üzünün olacağını
daha rahat, aydın anlamaq olur.
Bizdən olanlara çatdır sorağımı
getməsin nə öndə, nə də arxada
gəlmə aparmıram, nə də gəlmərəm
Elə tam olaraq bərabər olsaq,
Yıxılsan halına baxıb gülmərəm.

Oğlumun oğlu da yer qazmayacaq,
Axı yer qazanlar yuxular görməz.
Müdrüklük yuxuda verilir yalnız
Gəlişi sızıntı, gülərüz, dinməz.
Nəyə güvənirsən odur həqiqət
Dürüst danışmağa az söz gərəkdir.
Tarix danışanın hökmü böyükdür,
Cəsarətlə susmaq
savab deməkdir.

Günün bütün mövzuları

XS
SM
MD
LG